ತೊಲೆ ಇಲ್ಲದ ಮನೆಯ ವಾಸ
…………………………………

ನಿಜ.ಪ್ರೀತಿ ಯಾಕೋ..
ಬೆಚ್ಚಗಿರಬಹುದೆಂದು ಬರೀ
ಮಹಡಿ..ಮಹಡಿಯನ್ನೇ ಬಯಸಿ
ಬಡಿವಾರದ ಸುತ್ತಲೇ ಬಸ್ಕಿ ಹೊಡೆಯುತ್ತಿದೆ.

ಜೀವಕ್ಕೆ ಪರಿವೇ ಇಲ್ಲ.
ಅದೊಂದು
ಭ್ರೂಣವಾಗದ
ವೀರ್ಯವಷ್ಟೇ..!

ಮೌಲ್ಯಗಳನ್ನೆಲ್ಲಾ ಮಾರಟಕ್ಕಿಟ್ಟು
ಮಾಂಗಲ್ಯ ಸರ ಮಾಡಿಸಿ
ಅವಳ ಬಸಿರ ಕಾದವನಿಗೆ
ಉಸಿರೇ ಇಲ್ಲದ ಪಿಂಡ ಈ ಧರೆಗೆ..!

ತಥ್..ತೊಡೆಯ ನರ ಕಿತ್ತು
ಉರುಳಾಕಿಕೊಳ್ಳಲೂ ತೊಲೆ ಇಲ್ಲದ
ಮನೆಯ ವಾಸ.

ಬಿಡು ಶುಗರ್,ಬಿಪಿ ಗ್ಯಾಸ್ಟ್ರಿಕ್.ಲಕ್ವಗಳೆಲ್ಲಾ
ಬಾಣಗಳಾಗಿ ದೇಹಹೊಕ್ಕು
ನಿನ್ನ ಭೀಷ್ಮನಂತೆ ಹಾಸಿಗೆಗೆ ಮಲಗಿಸಿತ್ತವೆ.
ಸುಮ್ಮನೇ ಮಲಗಿ,ಕ್ರೌರ್ಯ-ಹಟ್ಟಹಾಸವ ಕೇಳಿಸಿಕೋ..
ಅಂತ್ಯವಾಗುವವರೆಗೂ..ದಿಗಂತ ನೋಡುತ..!

ನಾಗು,ತಳವಾರ್.